Murugar Yugam Age of Lord Muruga முருகர் யுகம்: யார் குரு..?!

குரு யார்..?!

உள்ளேயுள்ள அகக்குரு ஆணவம், கன்மம், மாயை எனும் மும்மல இருட்டிலிருக்கும்போது புறத்தில் இவற்றை நீக்கிய முற்றுப்பெற்ற குருவின் வழிகாட்டல் தேவை. முற்றுப்பெற்ற குருவின் துணையின்றி இறையை உணரமுடியாது.

சிவத்தை அடைய முற்றுப்பெற்ற மெஞ்ஞானக் குருவாகிய ஞானிகளை/ சித்தர்களை வழிபடுதலே முறை என்கின்றது தமிழ்மறையான திருமந்திரம்.

"சிவனை வழிபட்டார் எண்ணிலாத் தேவர்
அவனை வழிபட்டங்கு ஆமாறு ஒன்றில்லை
அவனை வழிபட்டங்கு ஆமாறு காட்டும்
குருவை வழிபடின் கூடலும் ஆமே."
- திருமந்திரம் 2119

"சிவனே சிவஞானி யாதலாற் சுத்த
சிவனே யெனஅடி சேரவல் லார்க்கு
நவமான தத்துவ நன்முத்தி நண்ணும்
பவமான தின்றிப் பரலோக மாமே."
-- திருமந்திரம் 1580

"குருவே சிவமெனக் கூறினன் நந்தி
குருவே சிவமென் பதுகுறித் தோரார்
குருவே சிவனுமாய்க் கோனுமாய் நிற்கும்
குருவே யுரையுணர் வற்றதோர் கோவே."
-- திருமந்திரம் 1581

முற்றுப்பெற்ற ஞானத்தலைவி ஔவையார் அவர்களும் இதையே உறுதிப்படுத்துகிறார்

“குருவின் அடிபணிந்து கூடுவதல்லார்க்கு
அருவமாய் நிற்கும் சிவம்.”

"நெறிபட்ட சற்குரு நேர்வழி காட்டில்
பிறிவற் றிருக்குஞ் சிவம்."
- ஆசான் ஒளவையார்

தன்னை அறிந்தோரே நம்மையும் நாம் அறியத் துணை நிற்பர்.

"தன்னை யறிந்திடுந் தத்துவ ஞானிகள்
முன்னை வினையின் முடிச்சை யவிழ்ப்பார்கள்
பின்னை வினையைப் பிடித்துப் பிசைவார்கள்
சென்னியில் வைத்த சிவனரு"
-திருமூலர்(திருமந்திரம்)

காரணகுரு, காரியகுரு ...!

'கு' ஆகிய இருளிலிருந்து 'ரு' ஆகிய வெளிச்சத்தைக் காட்டக்கூடிய ஆற்றல் பெற்றவரே குரு என்பவர். உலகில் காரணகுரு, காரியகுரு என இருவகையினர் உள்ளனர்.

காரியகுரு

காரியகுரு எனப்படுபவர் சில சித்திகளை கைவரப் பெற்று, முற்றுப் பெறாமல் பொருளை இச்சித்து செயல்படுவராவர். காரியகுருவாகிய தவறாகப் போதிப்பவரே உண்மையில் 'குருடு' என்ற தமிழ்ப்பதத்திற்குப் பொருத்தமானவர். கண் பார்வையற்றவரைக் 'குருடு' என்பது தவறான சொற் பிரயோகமாகும். இப்போலிக் குருவாகிய குருடுகளை ஆசான் திருமூலர் பின்வருமாறு குறிப்பிடுகிறார்.

குருட்டினை நீக்கும் குருவினைக் கொள்ளார்
குருட்டினை நீக்காக் குருவினைக் கொள்வர்
குருடும் குருடும் குருட்டாட்டம் ஆடிக்
குருடும் குருடும் குழிவிழு மாறே.
- திருமந்திரம் (10.6.105)

காரணகுரு

எந்தப் பொருளின் மீதும் பற்றற்று இருப்பவரே காரணகுரு ஆவார். முற்றுப்பெற்ற சித்தர்களே காரணகுரு ஆவார்கள். மகான் அகத்தீசர், மகான் நந்தீசர், மகான் திருமூலதேவர், மகான் போகர், மகான் கருவூர்தேவர், மகான் பட்டினத்தார், மகான் சிவவாக்கியார், மகான் காலாங்கிநாதர், மகான் வள்ளலார் போன்ற ஞானிகளே காரணகுரு ஆவார்கள். ஆசான் அகத்தீசரின் ஆசிபெற்ற ஒன்பது கோடி ஞானிகளும் காரணகுரு ஆவார்கள்.

அத்தகு காரணகுருவின் திருவடிப்பற்றி பூசித்து ஆசிபெறாமல் உடம்பைப் பற்றியும், உயிரைப்பற்றியும் அறிய முடியாது. சத்தைப் பற்றியும், அசத்தைப் பற்றியும் அறிய முடியாது.

காலம் உள்ளபோதே அதாவது இளமை இருக்கும்போதே காரணகுருவை அறிந்து, அவரது உபதேசத்தைப் பெற்றுப் பிறவிப்பிணியை நீக்கிக் கொள்ளவேண்டும்.

"தன்னை யறிந்திடுந் தத்துவ ஞானிகள்
முன்னை வினையின் முடிச்சை யவிழ்ப்பார்கள்
பின்னை வினையைப் பிடித்துப் பிசைவார்கள்
சென்னியில் வைத்த சிவனரு ளாலே”
-ஆசான் திருமூலர்

ஓம் எண்ணிலா கோடி சித்தரிஷி கணங்கள் திருவடிகள் போற்றி போற்றி
. . ஓங்காரக்குடில் Ongarakudil
சித்தர் அறிவியல் Wisdoms of Siddhars

<3 Aum Muruga ஓம் முருகா

கலியுகத்தில் உண்மைக்குரு யார்..?! முற்றுப்பெற்ற சித்தர்வாக்கு.

#சித்தர்வாக்கு

மனிதர் கடைத்தேற குரு தேவை. அக்குரு முற்றுப்பெற்ற குருவாக இருத்தல் வேண்டும். முற்றுப்பெற்ற குரு ஞானபண்டிதனை அறிந்திருப்பார். முருகன் பெருமை பேசுவார். முருகனைச் சீடருக்கு குருவாக அறிமுகப்படுத்துவார். வாழையடி வாழையாக வந்த அனைத்து முற்றுப்பெற்ற ஞானிகளுக்கும் முருகனே குரு என்பதை அறிக. குருவாய் குகனை கொண்டால் குகனே சற்குருவை அறிமுகப்படுத்துவார். சீவன் சிவத்துடன் இரண்டறக் கலக்க ஞானத்தலைவன் முருகன் துணையின்றி வேறு எவராலும் முடியாது.. முருகா என்போம் முற்றுப்பெறுவோம்

#குரு = #முருகன்/ முருகனருளால் முற்றுப்பெற்ற சீடர்

"சிவனை வழிபட்டார்
எண்ணிலாத் தேவர்
அவனை வழிபட்டங்கு
ஆமாறு ஒன்றில்லை
அவனை வழிபட்டங்கு
ஆமாறு காட்டும்
குருவை வழிபடின் (குரு = முருகன்)
கூடலும் ஆமே."
- திருமந்திரம் 2119

“குருவின் அடிபணிந்து
கூடுவதல்லார்க்கு
அருவமாய் நிற்கும் சிவம்.”

"நெறிபட்ட சற்குரு நேர்வழி காட்டில்
பிறிவற் றிருக்குஞ் சிவம்."
- ஆசான் ஒளவையார்

<3 Aum Muruga ஓம் முருகா